心悠教子珊溝仔Hold住先！

女神劉心悠與徐子珊最近合作邵氏網劇《守護神之保險調查》，兩人以往一個拍劇，一個主攻電影，可謂毫不相干，不過仍無阻女人天性，上至扮靚，下至學術性問題也研究一番，劇集開拍沒多久已混熟，即使劇集拍畢仍保持聯絡。日前她們接受本報訪問，齊齊回顧過去一年，以及計劃2019年的目標。

齊接受新挑戰

近兩年把事業重心放於內地的子珊，有機會參與綜藝節目，接觸不同種類的真人騷，計有推理、跳舞等，基於自己是一張白紙，對內地工作模式不了解，故頗有新鮮感。同時，子珊正攻讀心理學碩士課程：「開始時會質疑自己可唔可以兼顧，So Far都享受個過程，同學同老師對我好好，原來好多嘢係比想像中容易，只要有勇氣踏出去就做到，所以2019年我順利畢業後，希望繼續讀博士課程。」

心悠去年於電影及劇集也有新嘗試，更有幸參與芭蕾舞劇演出，對毫無跳舞根底的她來說，花兩個月時間準備兩個騷，期間練習承受不少痛苦，能順利完成已是一項壯舉：「今次台上三分鐘，台下兩個月，下次我想挑戰着Point Shoes嚟跳。」

未準備好談情

對於工作問題，兩女滔滔不絕，但提到感情事，她們卻同一時間「Hang機」，心悠率先開腔：「我未Ready最好嘅Version，唔想浪費人時間。（畀幾多時間自己？）時間唔係重點，係心境未到，我好多地方想去，好多嘢想做，唔需要有伴同我分享，以後先。」子珊則說：「我就唔知自己Ready未，冇諗清楚，唔知自己想點，點試呢？（你經驗豐富過心悠喎！）點知啫！係唔知嘛！（憑感覺？）通常咁會出事，演戲先係咁，現實中要理智，唔知點為之Ready。」心悠即搞笑獻計：「咁你Hold住先囉！咪話畀對方知，我未知自己Ready未o架！坦白又唔係玩人，佢要試咪試囉！」子珊聞言即十萬個問號說：「Oh My God！人哋會唔會覺得我玩嘢o架！我真係要認真諗一諗先！」

劉心悠（左）、徐子珊

子珊與心悠話未準備好迎接真命天子出現。

徐子珊髮型：Debby Kwan@Hair

劉心悠髮型及化妝：Eric Chow@XENTER Hair Salon、Annie G. Chan