最近好多80、90年代嘅過氣歌手出番嚟唱歌，成功引起好多回響，大家嘅集體回憶返晒嚟！其中一位「瀛男」，講真齋講個名年輕一輩真係唔會識佢，但70後都應該仲會記得佢嘅一、兩首首本名曲。話說今次佢出返嚟，成個Look脂粉味勁重，塊面啲粉厚過唔少女星，講嘢又乸乸哋，「基」味相當濃！
話說早前佢出嚟做訪問，同場一男一女記者，但「瀛男」全程淨係望住男記者講嘢，明明女記者問問題，佢都眼尾唔望吓人！傾得興起，女記者一時手快掂到佢，佢竟然即刻用手輕輕撥開，擺明同性相吸，異性相拒！
