歌手張敬軒前晚在寓所舉行新碟發布會及Facebook首播，令充滿英倫復古風的家居布置曝光，他說：「我喜歡有故事嘅嘢同質感，隻碟想帶出 『傳承』呢個訊息，我係聽上一代嘅歌長大，一聽到當中嘅樂器，就覺得喺首歌嘅氛圍入面，想樂迷感受到呢個氣氛，所以喺屋企做發布會，趁機分享呢個地方。」他覺得有歷史性的建築物會愈來愈少，望大家關注保育。擔任觀眾及司儀的DJ當奴，以動畫人物「海迪」造型現身和軒仔合唱。
