姜濤黐實AnsonHigh爆激咀？

男團MIRROR前晚在九展舉行處男騷，12子施展渾身解數，其中最爆是姜濤挑戰韓星Rain的《Love Song》後，再與Anson Lo跳唱《Trouble Maker》，兩人面貼面幾乎嘴對嘴，全場粉絲激動尖叫！事後姜濤與Anson Lo均表示並冇真錫：「綵排時冇咁近，係開騷時太興奮，見到粉絲都熱烈咗，所以埋咗少少，發揮到同平時唔一樣。」姜濤並大叫好肚餓，希望去打邊爐醫肚。
MIRROR施展渾身解數又跳又唱。
MIRROR施展渾身解數又跳又唱。

自評7分有進步空間

他們自評首個演唱會表現值7分，覺得顧到表演，卻顧不到表現，仍有進步空間。提到沒有除衫騷肌時，成員即推瘦削的Jeremy做擋箭牌，期望下年有機會騷肌，但揚言不心急再開騷，隊長Lokman坦言想儲多些自己的歌。

新組合「瓦努阿圖」

前晚《全民造星》的好兄弟「細貓」擔任嘉賓，而各成員在台上不停向粉絲發放冧招，並互相爆料，姜濤被指是怕醜仔，每次換衫都匿入房，他說：「留畀粉絲睇。」Edan搞爛Gag叫Anson Lo和姜濤組新組合「阿Lo阿濤（瓦努阿圖）」，最後各人還將用過的毛巾拋下台。

姜濤（右）與Anson組成新組合「瓦努阿圖」。
  • 姜濤（右）與Anson組成新組合「瓦努阿圖」。
MIRROR將用過的毛巾拋給粉絲。
  • MIRROR將用過的毛巾拋給粉絲。
細貓擔任嘉賓驚喜現身。
  • 細貓擔任嘉賓驚喜現身。