蔡思貝趕劇過孤獨聖誕
正趕拍無綫劇《機場特警》的蔡思貝和張振朗，昨日出席「海洋公園聖誕全城HO HO HO」揭幕禮。思貝穿上短裙仔，大騷吸睛長腿！
二人異口同聲指要在工作中度過Lonely Christmas，講到日前思貝與緋聞男友余德丞着灰色情侶裝睇騷，她笑說：「咁啱啫！」提到主演的《大帥哥》正在播出，她自爆劇集出街前都好緊張，驚大家失望，幸好口碑不錯，令大家再次有追電視睇的情懷：「係Dicky（張衞健）想要嘅嘢，撮合幾代人食完飯一齊睇電視。」
頒獎禮將至，她表示最想與余德丞拎「最受歡迎電視拍檔」。張振朗就話最想憑節目《美女廚房》奪「最佳節目主持」。