岑麗香唔知性別忍住等驚喜

現年34歲的岑麗香（香香）大前晚在社交網上載與老公強強的合照，二人拿住BB衫笑晒口宣布榮升爸爸媽媽，昨晚香香與袁偉豪、鄧鉅明出席「浪琴表香港國際賽事」晚宴，期間興奮分享將為人母的喜悅。

預產期明年4月

香香腳踏4吋高踭鞋現身，手舞足蹈，並透露胎兒已5個月大，老公強強心情同樣興奮。她表示早排因懷孕有點不舒服，現在不時做運動：「依家會做簡單瑜伽，同埋做面部按摩，驚自己面腫，BB預產期係明年4月，到時會係小豬BB。（仔定女？）我想有個Surprise，睇自己忍得幾耐，檢查時都叫醫生遮住。」她表示未決定在何地生B，又指有返加拿大，如果醫生批准，聖誕節都會返去：「依家都有睇BB衫，睇啲白色、黃色嗰啲，我想做嘢做到生之前，生完都會工作，想工作同家庭取得平衡。」

袁偉豪娶硬寶兒

同場的袁偉豪都有八卦香香懷的是仔定女，更不諱言不少好友都結婚生仔，自己亦受感染。問到何時實行，他笑言：「計劃緊，等我搏殺吓先！（係咪張寶兒？）係！」

他透露前晚錄影《歡樂滿東華》飛車多次都不成功，碰巧寶兒出現就成功，問是否想威給女友睇？他笑言：「唔係！不過都畀同事笑，話寶兒係我吉祥物。（定係幸運女神？）都可以咁講，我叫佢唔好成日企喺入鏡位度，不過我都想佢陪我、支持我。」

貪靚的香香穿高踭鞋上陣。	袁偉豪受感染，想結婚生仔。	鄧鉅明現身晚宴。