江若琳恨生女預演「童」居生活
藝人江若琳（Elanne）、劉美君、沈震軒、雨僑及童星江芷銦等，昨日到太子出席ViuTV新劇《好人好姐》的開鏡拜神儀式。Elanne直言很喜歡飾演其女兒的芷銦：「我同佢阿媽講想要芷銦，可唔可以送畀我？不如放假去我屋企住一個星期，佢都話好。」將於本月23日與蕭潤邦結婚的她，大讚芷銦乖巧又聰明：「我之前覺得生仔幾好，見到芷銦就好渴望生女。」芷銦即乖巧讚「媽媽」靚女。Elanne又指劇組安排其戲份在月中拍完：「好大壓力，我未派帖，啲朋友問我係咪唔請佢，我話月中會派。」
劉美君嗒沈震軒
身兼監製及女主角的劉美君透露，與沈震軒於劇中發展忘年戀，不乏親熱鏡頭，沈震軒則笑言有場戲要抱起對方，幸好她不重：「我要扮冇嘢，好Man咁講對白，抱得耐原來都好甘。」問到可有咀戲？劉美君笑言未有：「但我唔敢答你冇。（係你揀佢做呢個角色？）係呀，所有嘢都好適合佢。」
雨僑屋企惡慣
至於雨僑透露飾演劉美君的惡上司：「開頭我好驚，佢畀人感覺好嚴肅，但原來佢好搞笑同友善。（老公羅力威見你發惡會唔會嚇親？）唔會，我喺屋企可以再惡啲。」
