糖妹2018臨尾旺

歌手糖妹（黃山怡）昨日以代言人身份出席雪糕機活動，她說：「做嘢食廣告好開心，近排我輪住會有幾個廣告出。（咪豬籠入水？）年底大家會見到我好多，都有一個富足嘅2018收尾。」愛吃雪糕的她開心可以一世任食：「因為細個箍牙，好多硬嘢唔食得，唔可以鋸扒，所以雪糕就係最大嘅安慰。（唔怕肥？）肥喺糖兄嗰度咋嘛，哈哈，拍嗰日都食咗好多雪糕，但冇肥到，因為我會做運動。」