大肚婆要戒！單文柔對住展鵬冇得Sweet

單文柔着短裙襯高跟鞋，做索爆大肚婆！

西寶城今個聖誕以the bears’school「小熊學校」的聖誕繪本場景實地布置，大會特別安排繪本的主角Jackie親自迎接單又柔和美女廚神麥潔兒（Kit Mak）出場，二人製作聖誕曲奇和布置聖誕樹，單文柔炮製曲奇更加重朱古力醬料，直言太為食，問最想收甚麼聖誕禮物？她說：「希望收到對方（老公）煮嘅聖誕大餐，自己鍾意食甜品，最近佢唔畀我食咁多，話唔健康，又未驗妊娠糖尿，都驚自己超標，不過尋日見到拿破崙蛋糕都先斬後奏先。」

叫「陳皮梅」定「小煎Pan」

她說肚皮朝早和夜晚都會變大波，如變幻波！因怕BB小器，故暫未透露BB性別和佗B周數，她說：「好多人叫我小心啲，有啲禁忌自己都會避開，遲啲一定講。」現場她收到大會送贈的米色BB仔衫做禮物，揚言仔女也喜歡，她笑說：「展鵬話女就叫『陳皮梅』，仔就叫『小煎Pan』，我有諗過生龍鳳胎，又有人話生女先好啲。」

她大肚後極愛飲牛奶，但易攰，直言在結婚時已感受到BB心跳，問到會否減少工作？她說：「公司都唔會安排太刺激嘅工作畀我做，我都想繼續做嘢，有動力有活力啲。（展鵬有冇叫你唔好做嘢？）冇！佢淨係叫我唔好偷食甜品同雪糕，每日都為呢啲事拉鋸。」

今個聖誕，西寶城以the bears’school「小熊學校」的聖誕繪本場景實地布置。	單文柔炮製曲奇加重料！	單文柔與麥潔兒布置聖誕樹。
大會送上ＢＢ衫給單文柔。