薛家燕神癦古巨基喪摸

薛家燕、古巨基

「Captain Nancy」薛家燕一連兩場《薛家燕愛你無限60年演唱會》前晚舉行頭場，邀得胡楓、黎小田、謝天華及王梓軒等擔任表演嘉賓。羅嘉良出場時讚她成功減磅：「終於可以攬到家燕條腰。」而林保怡亦「咬住唔放」笑說：「有次去雲頂登台，佢要求唱歌時要攬腰，咁我就搵，但搵唔到條腰！」不過之後「補飛」：「依家有啦。」又爆當年合作劇集《九江十二坊》時，家燕太投入喊戲，結果谷淚谷到甩髻，要NG重拍。至於古巨基要求摸她額上的「神癦」，更摸足四次，家燕被摸時閉上眼睛，基仔即笑說：「好似奪咗家燕姐初吻咁。」

露口風有人錫

全晚高潮是「五公主」的家燕、馮素波、沈芝華、陳寶珠和王愛明合唱《情花開》及《莫負青春》，有歌迷送上每人99支玫塊花，至於沒到場的蕭芳芳則拍片支持，她說：「佢話每日瞓4個鐘，但都咁豐潤，佢啲幹勁喺邊度嚟？原來背後有『景轟』！」暗示對方有男友支持，而家燕亦漏口風說：「有人關心吓，有人錫吓咁囉！」馮素波更叫她唔好嫁住！

古巨基指家燕的神癦會發光，摸完有運行。	謝天華出盡全力施展「公主抱」。	家燕與三子女合唱，場面感人。

三子女出場嗌感動

個唱尾段，家燕的三個寶貝仔女驚喜上台合唱《You Raise Me Up》，並為眼濕濕的媽咪抹淚，家燕哽咽說：「見到仔女出場已經好感動，身邊有人曾話三個小朋友係包袱，但對我嚟講係推動力，令我每一分每一秒都覺值得。」Encore時，她與「福祿壽」王祖藍、李思捷及阮兆祥合唱，又與排舞老師教全場歌迷跳「十字步」。

林保怡笑言終於搵到家燕條腰。

「五公主」又唱又跳，掀起全晚高潮。