慘遭惡少虐待！周秀娜捱摑險窒息

藝人鄭嘉穎於新片《葉問外傳︰張天志》中一改正氣形象，飾演反派惡少，更對周秀娜拳打腳踢！他指首日合作已經要「兜巴星」對方，經歷不少掌摑戲的他笑言原本可讓周秀娜感受「無痛」掌摑，可惜導演袁和平（八爺）唔收貨：「第一次打『啪』一聲好大聲，因為用手指打唔痛，但八爺行埋我身邊質問究竟有冇打到！再打第二巴用力少少，但八爺都係唔收，冇辦法惟有用盡力咁打，終於OK。」被狠摑的周秀娜直言打完一刻，整個世界突然靜晒，因為打正耳仔。