又會咁啱？舊愛裕美飛男友

黃子恆一次意外搞到周身蟻，其前女友裕美昨日亦宣布跟意大利籍男友Alex和平分手逾一個月！自言要在港照顧媽媽的她，因男友可能離港而分開：「係分隔兩地問題。（有冇第三者？）冇！雖然難過係有，但人生經歷咗咁多，睇開咗！愛情好難講，我唔開心完就冇事。」

裕美因與黃子恆玩婚外情，更被拍得在男方寓所露台晾Bra，最後宣布跟老公離婚，不久亦跟黃子恆分手收場。對於前男友被指搞大粉絲肚後玩失蹤，她透過WhatsApp回覆：「已經同佢冇聯絡，對件事亦唔了解。」問到覺得舊愛為人如何？她沒回應就離線。