亞姐林孜沫醉酒斷片驚無家可歸

林孜沫（左）「斷片」被鬧後，自此與葉津妗同樣少飲酒。

簽證問題分兩地受訓

香港賽區季軍林孜沫則自爆曾經飲醉「斷片」，被媽媽責罵一頓，她笑說：「有次飲咗酒返屋企，第二朝起身先發現自己冇沖涼同換衫，媽媽知道好嬲，佢話如果我下次再飲醉，就唔畀我返屋企，自此我好少飲酒。」而來自馬來西亞、做律師的葉津妗自言因要上庭訴訟，故平時好少飲酒，酒量亦不太好，很容易會喝醉。

原來有海外佳麗因簽證問題不能隨團拍攝，亞洲電視數碼媒體發言人表示，由於部分佳麗未能趕及辦理韓國簽證，所以首批入圍佳麗先到當地受訓及參觀，其餘也會在港接受星級導師訓練，為於12月15日馬六甲總決賽作好準備。

此外，日前有爆料指張右雨與男團MIRROR的Anson拍拖，身在韓國的她昨日回覆：「係以前跳舞嘅朋友，後來各自有自己理想同目標。依家只係專心喺工作上，以前嘅事過去咗，但我哋永遠係好朋友。」

自言酒量好的楊可欣（左）與張右雨交流酒經。

六位候選亞姐參觀啤酒廠，當然是淺嘗即止。