胡鴻鈞昨晚在社交網緊急呼籲，指發現近日有人冒充他涉嫌向不同歌迷行騙，故特別提醒歌迷其官網只有一個，又稱對行騙者會保留一切法律追究權利。他接受訪問時表示：「係歌迷會幹事通知我，話有海外歌迷發現有人用我嘅頭像，抄番我啲留言開面書嚟冒認我，再主動同人借錢，啲歌迷都覺得奇怪，點解我會喺面書問人借錢，所以冇受騙。」
