唔覺結婚廿年咁耐 劉青雲：男人真係惡做！
影帝劉青雲與郭藹明是圈中模範夫妻，結婚廿周年，青雲坦言沒有特別慶祝，並笑言自己「忘年」，不記得已經結婚咁多年，可謂「快樂不知時日過」！他稱會送聖誕卡給老婆，問到會否寫I Love You？他說：「男人真係惡做！」明顯怕肉麻。
劉青雲前晚出席又一城「Merry-Go-20th」開幕禮暨聖誕亮燈儀式，並即場表演魔術變出禮物，早前拍畢英皇電影《神探大戰》的他，笑言聖誕節可以休息一下，問到會否出埠旅行？他說：「現場見到聖誕老人，都考慮可以去芬蘭，但好凍。（怕凍？）怕呀！」
今年6月是他與太太郭藹明結婚20周年，問到有否特別慶祝？他說：「只係普通同朋友食飯，時間過得好快，都唔記得已經咁多年。（仲係初戀咁？）又唔係，係唔覺得咁快！（送大禮？）城市人買得起又想買嘅一早買咗，買唔起到節日都係買唔起，不過聖誕節有減價，可以睇吓。（送咩聖誕禮物？）真係未諗，但會有聖誕卡。（寫啲咩？）個名囉！（仲有呢？）聖誕快樂囉！（I Love You？）哎呀！男人真係惡做！」
談到古天樂入圍「男歌手」獎，青雲笑言非常好，可以多元化發展，並讚對方很適合做歌手，不如索性轉攻歌壇，將影壇的工作留給他好了！至於會否鼓勵古天樂去紅館開騷？他說：「古老闆（古天樂）咁醒會自己諗，係時候就會上。（你同古仔、張家輝喺電影合唱過，一齊組隊？）唔好破壞樂壇！不過佢兩個係得嘅，我就唔特別Enjoy。」
老公送垃圾桶 楊洛婷嬲爆
活動由楊洛婷做司儀，她透露聖誕會跟Dear Jane主音老公Tim留港，大爆老公經常買錯嘢做禮物令她嬲爆：「拍拖冇幾耐，佢試過送垃圾桶做生日禮物，我問做咩咁做？佢話因為垃圾桶有蓋，冇咁臭，激死我！」