郭富城培訓囡囡做傑青？
頂住一頭金髮的天王郭富城昨日以大使身份，出席關懷罕見病人士活動，席間表示今年電影金像獎主題是「與罕病同行」，將聯合多個機構於明年3月推出「關愛飛」，為患罕見病的家庭提供戲飛優惠，非常有意義。
城城坦言做了爸爸後感受特別深：「我有家庭、小朋友都有壓力，都想小朋友健康成長，所以罕見病家庭係更加大壓力，都會好體諒佢哋，希望將呢份愛燃點落去，發放正能量。」可會一家人去做義工活動？他表示將來有機會一定會：「囡囡依家仲細，有教佢抱吓個公仔、錫吓佢。」續笑言不要忘記他曾奪傑青，一生都有義務及責任去行善，而有了家庭後更有責任教導小朋友。問到是否要培訓囡囡做「小傑青」，他打趣話希望她能夠服務社會，身為父親都感安慰。