Regen被隊友特訓做辣妹
組合HotCha昨日到銅鑼灣的重慶劉一手火鍋拍攝宣傳短片，Crystal說：「記得我哋之前做嘢如果有『天地更』嘅話，中間係會去打邊爐。」Regen笑言以前不能食辣：「但同佢哋做咗組合之後就訓練咗我，但冇再一齊之後又差咗。」問到繼今次後她們可會有其他搞作？三女表示隨緣，因為有各自工作，如果有工作就會再做。
她們透露12月會去睇鍾舒漫的演唱會，亦會為江若琳結婚做姊妹，Crystal笑說：「可以飲酒，因為有好多朋友喺度，預計嗰晚會好開心。」問可會有玩新郎的環節？她們笑說：「今次好似係輕鬆喎，江若琳唔使點麻煩我哋，我哋淨係負責打氣同影相。」另外，講到Winkie想開泰拳學校，她說：「係呀！但跑馬地嗰間舖位漏水，所以諗住轉睇灣仔或銅鑼灣嘅舖頭。」