吳日言搏命5分鐘驚險誕B女

吳日言在35歲生日宣布早前誕女的喜訊,但生產過程相當驚險,因BB出世前情況一度不樂觀,全靠她努力克服囡囡臍帶纏頸及位置問題,毋須剖腹開刀,令她如願感受十級痛的分娩過程,母愛真偉大。

昨日生日的藝人吳日言(Yan),公布日前已平安誕下6.6磅重的囡囡Bea,並分享一家三口的溫馨照。B女睡着跟父母合照,相當可愛。現已在家中坐月的Yan接受訪問時,憶述生產過程如一場噩夢,因懷孕期間患妊娠糖尿,且產前檢查到BB有機會出現臍帶纏頸問題,不少準媽咪會選擇剖腹生產方法,但她望能完全感受及記住做媽媽的感覺,加上醫生的鼓勵下,寧願忍受長時間「十級陣痛」,決定嘗試順產,不過她強調:「大前提梗係BB嘅安全為先。」

「如願」感受陣痛

Yan入產房後,多得老公Barry全力支持,她說:「監察儀器顯示陣痛指數高達127,10小時咁耐,BB突然情況不穩,心跳跌落80唔樂觀,如果5分鐘內,我仲未順產就要緊急開刀,當時我乜都冇諗,淨係知要出力出力再出力,最後克服到臍帶纏頸同埋BB位置等問題,BB平安出世。」由於醫生要立即處理BB出世時臍帶纏頸的危急問題,老公未能剪臍帶,但她冧爆指誕B後,老公非第一時間為囡囡影相,而是看她的情況。

噩夢過後好感動

初為人母的Yan坦言,誕B時很感動,但已攰到連流淚也沒力,之後因血壓太低,要留在產房休息2小時,她笑說:「好辛苦但係值得,噩夢醒之後就收到大禮物,囡囡係我今年最大嘅生日禮物。」她透露以母乳餵哺囡囡,感覺好奇妙。不過她拒透露囡囡出生日期,並說:「想幫囡囡保留一啲私隱。」只表示一家三口同是11月生日,很開心囡囡趕及和她慶生。