高踭鞋累事陳靜扭傷右髀內側

藝人陳靜（DaDa）前晚拐着右腳出席電影煞科宴，為演員陳逸寧與李宇軒慶生。DaDa透露拍攝時要着高踭鞋拍動作戲，不慎扭傷大髀內側，需要睇跌打，問到位置敏感可有在治療時尷尬？她說：「女跌打醫師嚟，好彩今日拍最後一場係文戲，所以順利煞科，之後再去睇物理治療。」她又稱今次是從影以來最大尺度，要過心理關口，但不是指裸露尺度：「全裸小意思喇！你知導演嘅嘢一向重口味，但好玩嘅，係平時演技上自己少接觸到嘅嘢。」