田蕊妮撐雪卵唔驚冇得生
視后田蕊妮（阿田）踩過界擔任無綫真人騷《女人四十》主持，談到拍攝雪卵題材，她自認已成為專家：「我哋生理上冇辦法同自然抗衡，如果有啲女性好想有小朋友，我奉勸佢哋早啲去雪！因為卵子質素只會愈嚟愈唔好，但子宮唔會老，雪咗就冇後顧之憂，唔使驚就嚟冇得生，但到時當然要考慮有冇咁嘅體力。」
讚杜汶澤係好爸爸
節目中，阿田坦言最不安是說出與老公杜汶澤在生仔上的立場：「佢未準備好生小朋友，同埋喺單親家庭長大對佢影響好大！佢對爸爸冇好清晰嘅形象同模式，淨係當咗我爸爸係佢爸爸。」雖然自言比較傳統，曾認為婚後就要有小朋友，但她後來覺得小朋友在港讀書很慘：「呢個問題反反覆覆喺我腦海出現，依家我有好明確嘅答案，媽媽係好無私、好偉大嘅人物，但我依家仲係自私。」至於可擔心後悔？她認為生與不生各有好處，很難講會否後悔。
雖然阿澤的想法一直很清晰，但身為「愛妻號」的他若知道太太想生兒育女，亦會願意配合，阿田說：「萬一有意外，我同朋友都覺得佢會係個好爸爸。（『殺到嚟』又唔同？）係呀！不過我唔會畀佢『殺到嚟』！」
服裝：HARRISON WONG
場地：The Stadium
