Kay除剩黑Bra誘古仔 張繼聰：邊有資格呷醋！
天后謝安琪在跟古天樂合唱的新歌MV中化身性感人妻，大膽裸露演出，在古仔面前僅戴黑Bra上陣，令人想入非非！老公張繼聰不怕老婆畀人睇蝕，笑言冇資格呷醋！
謝安琪（Kay）早前邀得古天樂再開金口合唱新歌《（一個男人）一個女人和浴室》，MV中古仔飾演Kay的老公，兩人不單在浴室錫嘴，Kay更在古仔面前脫去吊帶黑裙，僅餘黑Bra，意識大膽誘人，她大讚古仔演得好，是好到難以形容的暖男好丈夫。
愛侶溝通好重要
兩人更分享愛侶間的相處，同認為溝通很重要，古仔說：「默契係要時間嘅，喺屋企見到爸媽睇電視，有默契轉台，一句話都唔使講。」擁有幸福家庭的Kay說：「兩個人一齊耐咗，一個動作，就意會到對方需要咩，你喜歡講我樂意聽，假如兩個人認定對方係另一半，就算喺浴室咁私隱嘅地方各自忙自己嘅事都會好享受，有冇一紙約誓唔再重要。」
單身的古仔亦表認同：「同另一半相處，我比較鍾意盡在不言中嘅安靜，如果兩個都多話，喺同一空間搵話題有時好攰，不如花多啲時間去關心、了解對方。」
朋友妻不可窺
另方面，張繼聰昨日與林敏驄、林雪為ViuTV節目《晚吹-Close噏》宣傳賀歲片，對於老婆在MV中對住古仔除剩Bra，林雪、阿驄聞言即搞笑彈開，林雪說：「朋友妻不可窺！」張繼聰則表示早已過目，不會介意老婆如此性感：「我仲性感過佢，我都好期待個MV。（冇呷醋？）邊有資格，我都成日拍埋咁多呢啲嘢。」他不怕老婆畀人睇蝕，因太性感Kay也不會拍：「呢個可以接受，我哋同一個健身教練，唔係睇性唔性感，係達唔達標，個美態靚唔靚，睇到佢張相有背肌，戥佢開心。」
