廖子妤處女獻唱恆仔拖手傍實
樂隊ToNick主音恆仔與廖子妤（Fish）昨日宣傳單元網劇時，一齊獻唱主題曲，首次演唱的Fish全程緊張，聲線猶如「走鋼線」，貼心的恆仔即主動拖實對方玉手派定心丸，最後順利完成演出。
Fish表示雖然練習過無數次，但好易「發台瘟」：「簡直係破壞樂壇。」問到之後會否再唱歌？她斬釘截鐵表示不再開金口，但又怕日後自打嘴巴，故改口稱有機會會嘗試。提到二人有床戲，她笑言：「拍之前恆仔好緊張問點拍，我就唔緊張。（好激烈？）之前拍過更激，但最重要係同對手溝通，我年中都錫過唔少人。」恆仔則抵死笑指女友譚杏藍睇試片時咬牙切齒。