洪卓立打機爆粗療情傷？

最近與湯怡分手的洪卓立昨日到旺角出席打機活動，明顯心情平復。熱愛打機的他被問現在是否冇王管？他說：「本來都係幾時玩都得。（借打機填補空虛？）我又唔係好空虛喎。（心情好番啲？）都係做嘢。（唔怕人哋話你藉打機療情傷？）唔理啦，咩都有人講，控制唔到，做番自己要做嘅嘢。」又稱打機時會爆粗：「在所難免，講粗口唔係傷天害理，有限度講粗口係正常。」