陳庭欣聽男友講生意經

藝人麥長青（麥包）、黃致豪及陳庭欣等，昨午到尖沙咀出席品牌頒獎活動。陳庭欣透露曾投資日本餐廳，惜失敗離場，問到現時有否跟男友學做生意，她說：「有嘅，佢有多年經驗，不過我通常只係聽囉。（跟佢轉行？）唔會啦，我都係拍戲做主持好嘞。」

而麥包成功收身17、18磅，又透露：「我同朋友夾份開咗間西餐廳，今日係嚟攞『新丁獎』。（生意幾好？）有微利囉。我本身開咗間娛樂公司，開始投資演唱會，好似張彥博嚟緊個騷，我都有少少投資。」又表示以往投資各項生意多數不成功，幸而沒有「蝕入肉」。