張衞健中途殺出爭視帝

之前有指下月3日播出的劇集《大帥哥》冇份入圍年底舉行的無綫頒獎典禮，劇中演員均表失望，但在昨日舉行的《萬千星輝頒獎禮2018》提名名單公布記者會上，該劇意外地在名單上「翻生」，更有份提名「最佳劇集」、「最佳男主角」（張衞健、洪永城）、「最佳女主角」（蔡思貝）、「最受歡迎電視男角色」、「最受歡迎電視女角色」、「最佳男配角」（曹永廉）及「最佳女配角」（楊秀惠），對此變動，現場的高層余詠珊及杜之克均不作回應。

陳煒「入會」拉票

身在外地的張衞健受訪時坦言：「開心開心，好開心！希望觀眾鍾意啦！有冇獎攞都唔緊要嘅，有份提名已經好開心。」楊秀惠亦感到意外：「之前知道未必有得提名，依家未播就有幾項提名，都算係好開始。」有份參演劇集的徐榮則力撐張衞健贏視帝。

陳煒、胡定欣及黃智雯順理成章入圍視后及「最受歡迎電視女角色」，包括定欣及智雯在內，共有4名「胡說八道會」成員角逐視后，問到陳煒如何力敵？她笑言要「入會」：「等我召集佢哋嚟我屋企食飯拉票先！（邊個係最大對手﹖）智雯同李佳芯。」定欣與智雯歡迎對方入會，而定欣坦言比起視后，個人對「最受歡迎電視歌曲」獎更有信心。而智雯在台上聽到好姊妹的鼓勵說話時感動落淚，已是星馬視后的她被問到可有信心成為三料視后？她說：「平常心，呢個星期都瞓得唔好，因為有壓力。」

（左起）：胡定欣、姚子羚、李施嬅、黃智雯、朱晨麗、陳煒。 一班準視后勢均力敵，要跑出都唔簡單！	智雯感動到喊，姊妹急急呵番。	陳家樂憑《逆緣》「爺爺」一角入圍爭視帝！

馬德鐘叫雙飛恨破蛋

男演員方面，馬德鐘及陳展鵬均叫雙飛，分別憑《跳躍生命線》與《天命》提名視帝及「最受歡迎電視男角色」，馬德鐘表示在無綫從未得到任何獎項，期望今年有零的突破。