「汪阿Tag」洗版 Liza自誇：犀利呀！

藝人汪明荃（Liza）昨日出席「香港理工大學2018/2019年度大學院士頒授典禮」，獲頒院士榮譽，老公羅家英不在港故未有同行，而無綫高層杜之克及樂易玲來撐場，並代無綫主席陳國強獻花。Liza接受訪問時笑言：「佢（羅家英）話：『吓，你又攞獎？』（你哋鬥攞獎？）係呀，互相競爭。」提到她在Instagram（Ig）Tag相帶起「汪阿Tag」潮流，她說：「犀利呀！我都唔知，依家睇番好多人都加入咗呢個Tag嘅行列。其實手機寫字好難，我又唔識將張相放大縮細，搞到啲字出晒界。（追隨人數激增？）係幾得意嘅，做咗創造領先者。（點解咁Tag？）呢個咪我Style囉，每個人Style唔同，但都要觀眾受落。（叫老公玩Ig？）尋日叫咗佢開，佢以為好簡單，其實佢唔抵得我就真，我叫佢快啲關注我。」