李佳芯有信心斷黃智雯「后」路！

藝人李佳芯昨日現身品牌頒獎禮，去年勇奪《星和》視后的她今年未能冧莊，但仍戥黃智雯開心：「佢努力咁多年，係Double喜悅！佢攞第二個視后嗰陣，仲估佢會唔會喊添！」對於下月舉行的《萬千星輝頒獎禮》被視為大熱，她表示屋企人都睇好她，令她倍感壓力，笑言現時忙於拍《殺手》，沒有心思諗獎項，反而睇好黃智雯連中三元，但仍留一手：「不過我都梗係有機會，都希望自己攞！（斷咗智雯唔可以連中三元？）唔好咁講，佢攞雙視后已經係第一人，唔講衰嘢！」