阮民安三年抱兩 老婆佗豬仔
組合E-Kids成員阮民安（Tommy）跟太太張倚雯（Eva）育有歲半大仔阮治童，昨日他報喜太太已懷孕5個月，已知是囝囝，預產期明年3月底，他開心說：「雖然係冇預計，但我哋有三年抱兩呢個諗法，有BB覺得係個天送畀我哋嘅禮物。」
他笑言預計到兩兄弟將來會搶玩具和打架：「初初都有啲擔心，好驚BB趕喺狗年出世，因為中國人有成語『雞犬不寧』，童童肖雞，如果細佬搶閘狗年出世，好驚將屋企反轉，依家Check咗細佬應該係豬仔，希望佢哋融洽相處。」他坦承今次太太佗得比較辛苦，加上大仔百厭，令瞓覺時間大減，所以他會幫手做家務及湊仔，讓太太多點休息。