股票變蟹貨 黎燕珊：未彈盡糧絕
藝人黎燕珊前晚出席好友郭秀雲（Sharon）舉行的飯局，她自爆投資股票失利，做了大閘蟹：「真係慘！責住咗六位數，不過未彈盡糧絕，買外幣仲好！加上接咗廣告，上天成日保祐我！」提到接拍無綫新劇《飛虎之雷霆極戰》時與識於微時的苗僑偉合作，她憶述二人在飛機首次見面：「同機仲遇到藍潔瑛同曾華倩，我哋坐咗去後面鋤Dee！」
Sharon則表示要答謝好友支持其慈善機構，現在忙於籌辦12月的慈善步行，但笑言家人毫不心痛：「我去森林或潛水，佢哋就驚驚哋，不過我會話『得(o架)啦，唔好煩』！」她指自己的偶像即使八、九十歲仍在潛水影相或做科研，自己沒資格呻攰。