周柏豪賀布婚出碟冧妻

歌手周柏豪昨日到新城宣傳新碟《All About Love》，坦言很高興能夠一手包辦製作：「呢隻碟係送畀太太，我冇理市場反應，最重要表達對太太嘅誠意。（咁佢反應如何？）佢係白羊座，就算好開心都會抑壓住。」又透露新碟本於6月推出，但因加歌而延至今月：「仲好！11月係結婚兩周年。（太太生BB報答你？）睇緣分啦！我要專心工作先。」柏豪指兩人已一起十多年，沒特別慶祝結婚兩周年，又笑言太太日前想買生日禮物給他，感覺很陌生：「我哋十幾年冇買嘢畀對方！其實依家佢買嘢畀我，都係用我啲錢。」