目擊棄獎走人許志安：以為係夾！

許志安昨日以活動大使身份出席「中移動香港行山節同創1億步」活動，他透露最近重拾行山樂，甚至帶埋愛犬Lucky同行，問到可會挑戰與周潤發一齊跑山？他笑說：「平時做嘢都成日『跑山』，但同佢跑就未必啦！」談到日前出席《全球華語金曲獎頒獎禮》，對內地女歌手VaVa棄獎一事，他自言曾於其他頒獎典禮上想過放低獎走，但最終冇做到︰「唔識答佢啱定唔啱，因為每個人對事嘅態度、想法、動機都唔同，開頭以為係夾好之後唱歌，畢竟事出突然，咁我就用番好突然嘅心態繼續坐喺度，但覺得嗰晚嘅安排係可接受。」問到今年可會出席各大頒獎禮？安仔抵死指如果有獎便去：「到時見到就見，有緣就見！」