陳凱琳做管家婆應使則使

藝人陳凱琳（Grace）前晚出席商場聖誕活動，與聖誕老人和新鴻基地產執行董事馮秀炎等一同主持開幕。提到老公鄭嘉穎指她是家中的管家，Grace笑說：「佢成日話我係管家婆，佢開咗個家用戶口，由我負責交屋企雜費，呢個責任都幾開心，戶口啲錢係有用先用，唔會亂買嘢。（仲有冇個消費戶口？）我有做嘢，用番自己錢買嘢，投資就交番畀佢自己處理。（你嘅錢係你嘅，佢嘅錢都係你嘅？）唔可以咁。（依家你好富有？）係心中富有，自己唔貪心，老公已經對我好好。」