阿嬌攞料學做媽咪
藝人鍾欣潼（阿嬌）昨日出席活動，講到跟老公賴弘國亮相內地真人騷節目《爸媽學前班》，她透露有閱讀障礙，表示一直睇書睇唔入腦，寫筆記較慢：「平時唔會分享，係今次節目有老師，本身係講小朋友，我未有就講番自己，其實主要係諗點樣解決，原來做多啲運動可以協調番，依家成個人好正面，好似搵到答案咁。」
問到是否準備做媽咪，所以特別緊張？她說：「之前有諗如果將來有小朋友點算，我來自單親家庭，未必識做媽咪，依家老公家人嗰邊好多都係醫生、教授，可以問佢哋意見。（你話要多啲陪小朋友，係咪生完BB後做全職媽咪？）首先要有緣分生BB，我認同生完係要多啲陪伴，但係到時先算啦！」