洪卓立落淚撐湯怡非貪慕虛榮
歌手洪卓立與湯怡宣布分手，引起不少揣測，昨日洪卓立為舊愛護航，澄清她絕非貪慕虛榮，亦沒有逼婚，純粹因了解而分開，期間他突然抖大氣感觸落淚。
洪卓立（Ken）與湯怡（Kathy）11年情玩完，宣布分手後，昨日Ken首度現身，與鍾欣潼、泳兒及許靖韻到中環出席英皇鐘錶慈善活動，大受情傷的Ken強擠笑容。
他受訪時主動講起分手一事，指公布分手後，有些言論對Kathy有影響，因此特別要澄清：「例如話佢紅咗少少，同我有距離就飛咗我……」此時他已經忍不住哽咽落淚，要工作人員遞上紙巾。他續說：「係完全唔存在，我哋11年前一齊，我第一隻碟未出，未有《彌敦道》，中間我有大病，如果佢係咁嘅人，有好多機會同我分開，遇到好多難過事情，佢都可以好輕易咁走。」他又指現年31歲的兩人一直打算35歲才結婚，因此不存在逼婚問題。
向陳家樂致歉
至於分手原因，他說：「冇第三者，細節唔講，始終11年感情，好難用11句或11分鐘令大家明白，只可以話係因了解而分開，宣布分手係因為大家同我哋見證呢段感情，所以向關心我哋嘅人交代，有網民話唔再相信童話愛情，其實每段愛情都好獨特，唔好因為我哋而唔信愛情，起碼我依然相信。」
對於事件繼續發酵，甚至有傳陳家樂是第三者，Ken表示抱歉對方被拖落水：「我有同佢講唔好意思，其實Kathy甫啲相十張有九張都係工作，我覺得冇問題，如果真係有第三者就唔會咁張揚。」活動後，他與泳兒離開準備上車，期間有數名女粉絲要求合照，Ken亦有求必應，之後登上七人車離開。
而經理人公司高層霍汶希表示Ken與Kathy是和平分手，不牽涉第三者，亦不想影響無辜者，更不想令女方名聲受損：「希望佢哋處理得好，各自重新開始生活。」