戴耀明𥄫女神慘被屈鹹濕

無綫「綠葉王」戴耀明亮相東網巨星節目《娛場》，重返母校細說昔日回憶，鏡頭前口花花的他原來是位怕醜仔，對着女同學即秒變「鵪鶉」，即使有心儀女生也只敢玩暗戀：「我記得我暗戀一個女仔，每次田徑嘅時候都Mon住佢跑，嗰陣𥄫佢𥄫到畀人投訴，話我鹹濕成日𥄫女仔，嗰陣傷心到直頭當係失戀。後尾本來畫咗幅佢嘅畫，最後都冇勇氣送畀佢。」講到校園「威水史」，他自爆曾經闖入女廁：「有排男廁維修，將女廁變咗做男廁，點知去慣咗，有日男廁整番好，我唔記得咗照入女廁，最後仲畀女同學見到，大嗌添！」