髮圍掘金鋪後路 瑪姬掃貨索料

呢支睇吓，嗰支聞吓，瑪姬買到成車都係洗頭水！

掃貨期間，她遇上剛巧在超市擺專櫃的梁醒波長孫梁智宏，瑪姬即場試用對方代理的護膚品，雞啄唔斷，最後獲貴賓價折扣優惠，拿着兩袋戰利品離開。

日跑三場賺騷錢

瑪姬有如此財力，全靠勤力肯做肯博。2005年她參加歌唱比賽，意外獲電台高層睇中邀入行做DJ，開始靠把口搵食，一做便十多年，更被譽為「最美麗DJ」。其實早在高中時期，她已獲發掘做兼職司儀，當時商場騷酬勞只有800元，時至今日，她接一個大公司的Annual Dinner連唱歌，一晚就收3.3萬，巔峰期一日走3場，30歲時已賺得第一桶金。

撈過界搞埋飲食

對於成為「髮界女強人」，瑪姬笑說：「同緊一間日本研究室傾合作，其實開髮型屋後收到好多意見，我都覺得要搵啱心水嘅洗頭水好難，所以決定自己出。」又透露還有其他Plan，想搞飲食：「司儀工作未必可以做到老，我成日講花無百日紅，覺得只有做生意可以長久。」

瑪姬	瑪姬搞髮型屋，開幕時祖藍都有撐場。