難捨《大時代》「玲姐」 秋官個心唔舒服 青雲難過

藍潔瑛曾在訪問中說最愛無綫神劇《大時代》中「玲姐」一角，當中跟她感情糾纏的「丁蟹」鄭少秋，昨日得悉對方死訊時心裏感到很不舒服：「這麼年輕就走了，在拍《大》的時候她很用心，也很入戲，入戲到甚至有些抗拒『丁蟹』這個人。」不過之後再沒有合作，秋官說：「之後也只是從報章雜誌得知她的近況，知道她一路來好像過得也不是很開心。就這樣走了真的很可惜！」而《大》劇中演她繼子的劉青雲，心情沉重說：「聽到係好唔開心，我真係冇嘢可以再講！」陶大宇則說：「好可惜！我同Yammie（藍潔瑛）係同學，好多年冇見面，只係喺報紙上知道佢消息。（訓練班時相處點？）當年佢好靚，有稱號『靚絕五台山』，但佢對人都好好，笑容又多、冇分大細，只因近年佢情緒病問題，先令到佢咁，希望大家都關注吓呢個病啦……Yammie今次走咗，好大感觸，希望佢去到一個開心、快樂嘅地方！」而在《大》劇中演「阿妹」的楊羚，在電話中表現傷感：「我唔想講，唔講嘞！」便匆匆收線。