秋生爆亡母回魂：我叫佢唔好嚇人

黃秋生昨日宣傳英國劇集《陌路追凶》，原定本年底到澳洲探訪哥哥，惟因近日喪母而取消行程，將順延至明年才起行。他表示近日忙於處理母親身後事，雖然前晚才頭七，但在此之前母親已急不及待「回家」：「一早返咗嚟，行嚟行去，食飯按摩，拍手拍腳，到走咗第三日拉工人隻腳添，我叫佢唔好嚇人，之後佢冇再返嚟，但我聽晚會返去瞓。」

採道教喪禮

問到有否為母親準備生前喜愛的食物？秋生表示日日一大枱食物，會擺放至「入伙」：「媽咪冇宗教，以前會裝香拜神，熱鬧啲就揀咗道教喪禮，因為可以分散精神，太寧靜會頂唔順梗會喊，好多回憶。依家定咗12月29日香港殯儀館，第二日出殯，土葬。（心情平復未？）都驚，因為同我想像中唔同，依家好平靜，所以有少少恐懼。」

談到拍攝《陌》劇，秋生大讚兩位主角John Simm及Emilia Fox，John脾氣好，Emilia則與鄭裕玲相似：「我哋都叫佢Do姐，佢啲眼神好有殺氣、好靈，戲又好。」更指於英國拍攝兩個月，曾與在當地求學的私生子William見面。問到可會拍攝第二季？他說：「冇參與，但英國經理人公司話套劇受歡迎，所以都有其他Casting。（開拓英國市場？）未拓到，希望有第二部，用英語演戲有挑戰性。」

行街皺晒眉

此外，秋生日前與女助手現身中環商場，邊行邊傾，期間見他講到皺晒眉，似乎喪母之痛仍未平復，及後他們往餐廳醫肚，未幾數名年輕男女前來會合，逗留個多小時才離開。