SM緊張紅館騷發噩夢
樂隊Supper Moment（SM）前晚到新蒲崗為下月1至3日的紅館演唱會綵排，四子表示綵排進度尚算順利，最難搞是準備紀念品：「因為有六樣紀念品，包括T恤、毛巾、行李帶、Cap帽，反應都幾好！今次仲有童裝Tee，上面印有我哋豎起食指嘅手勢，希望將搖滾態度傳到下一代。」
他們表示在紅館開騷，心情緊張，四人都發噩夢：「最恐怖係Sunny，夢到上到台要唱唔係自己嘅歌！」講到每人有Solo部分，問會表演甚麼？他們說：「做啲平時唔做嘅事，可能係倒立、唱粵曲，講笑啫！都係同音樂有關，可能之前啲拍子唔準，今次準番晒。」