陳貝兒拒與前夫復合等待有「緣」人

主持節目《嫁到這世界邊端2》的陳貝兒，鏡頭下看着人家一雙一對，離婚一年的她卻仍形單影隻，不過，擁有現今女性獨立及堅強特質的她，揚言靠自己：「其實都幾開心，證明有能力嘛！我仲想照顧埋父母添，目前想做嘢先。（同前夫仲有聯絡？）有，我病咗佢都有問候我。（復合？）唔會喇！依家咁嘅關係幾好，大家都舒服。」

靠社交網維繫

今次「周遊列國」50多日，20多次機程挑戰人體極限，貝兒說：「台前幕後加埋我得5個人，要兼顧好多嘢，但培養出一家人嘅感覺，互相扶持。」她與來自世界各地的人妻及其家人，建立了難以言喻的友情：「我哋靠社交網聯絡，佢哋嚟接我機第一句都會講：『我一定唔會喺鏡頭面前喊嘅！』點知一埋位講到某啲事，大家都忍唔住。喺佢哋身上我明白咗一個道理，就係有緣嘅真係點都會遇上，好多嫁到外國嘅人妻，都係喺好偶然嘅機會認識到另一半。」

男友仔打孖上

節目踏入結局篇，除了法羅群島一對新婚夫妻Sweet爆外，嫁往希臘的人妻Stephanie遭遇亦賺人熱淚！貝兒說：「佢嫁咗過去幾年，想補辦一次希臘式婚禮，請我做伴娘，仲畀我直擊成個過程，不過佢媽媽因行動不便唔可以出席，兩母女靠Video Call傾咗一輪，新娘爆喊！我知佢搵到真愛雖然幸福，但冇親人在旁難免孤獨。」至於波蘭篇的女主角生了兩個帥氣小男生，令貝兒返港後仍日思夜想，更笑說：「我多咗兩個小男友囉！」

貝兒為希臘人妻Stephanie做伴娘，見證有笑有淚的婚禮。	在波蘭結識的兩位「小男友」，令貝兒心掛掛。	陳貝兒到希臘「送嫁」，趁空檔晒腿留倩影。

此外，貝兒由主持跳到劇界參演無綫劇《再創世紀》，首次拍劇的她大叫好玩：「最開心係遇上嘉華哥，佢教我對白唔使背到咁熟，自然啲。（開始鍾意演戲？）好好玩！有機會都想再試。」