馬德鐘賀禮折現讚生B基因強

藝人馬德鐘、陳智燊、宋熙年、黃佩霞及星級形象顧問郭慶彬等昨晚出席婚宴，場面相當熱鬧。馬德鐘表示年前因拍《飛虎》而與新娘苟芸慧相熟，談到賀禮，他笑說：「現金實際啲！佢哋有咁好嘅基因，一定會生到好好嘅BB！（教新娘一擊即中生仔？）佢想生仔定女先？（佢話想生4個？）咁要佢教番我先得，我生得一個咋！以前冇計算嘅，覺得生仔女都冇所謂。」
關心妍擔任嘉賓獻唱，囡囡更充當花女。
關心妍擔任嘉賓獻唱，囡囡更充當花女。

關心妍囡囡 吔餅做花女

開始茹素的馬德鐘表示近日食得清淡，因而消瘦少許，又指心境有所不同，連皮膚及健康都有改善：「我又唔係食全素嘅，不過今日主人家都有為我準備素餐。（會冇力拍戲？）又唔會，其他方法都可以補充營養嘛！」

而關心妍則上台獻唱，聯同新郎為苟芸慧製造驚喜。談到囡囡做花女，她笑說：「佢仲細，乜都唔識，行入會場仲攞住塊餅，有餅先唔扭計呀！」

穿貼身裙的張嘉兒有啲肚凸凸。
  • 穿貼身裙的張嘉兒有啲肚凸凸。
馬德鐘轉食素菜，坦言健康有改善。
  • 馬德鐘轉食素菜，坦言健康有改善。
胡杏兒與老公撇甩囝囝到賀。
  • 胡杏兒與老公撇甩囝囝到賀。