林敏驄爆肚蘇麗珊「硬食」考反應
藝人蘇麗珊昨日與導演泰迪羅賓、邵音音、內地演員夏嫣等出席電影活動，蘇麗珊在片中飾演Rock妹，她覺得唱歌部分是一大挑戰：「套戲係兩年前拍嘅，係我第二套戲，嗰陣仲係好新，但都幾好玩。（估唔到會唱埋電影主題曲？）係呀，以為淨係唱電影入面夾Band嘅歌。」
歌喉不錯的她有興趣一試做歌手，會努力學習發聲，問到男友可有讚她歌喉不俗？她說：「我係冇乜自信嘅人，佢會畀好多支持我。」
戲中她與林敏驄最多對手戲，笑言拍攝之時有少少被對方嚇親：「佢係經常性唔跟對白，又狂爆肚爆粗，我唔知點樣接落去，導演又唔嗌Cut，我惟有夾硬接落去，真係好考我嘅即時反應！」
