徐濠縈陪女留學Eason做牛養家

阿徐向來具時尚觸覺，早前宣布創立十年的時尚生活概念店要「十年一別」，前晚舉行了告別派對，宣布實體及網上店正式結業，並邀請女兒陳康堤、名媛楊張新悅、藝人蔡穎恩一同見證。

創業容易守業難

雖然Eason未有到場，但阿徐大讚他是個好丈夫，更笑言對方似足隻牛辛勞工作：「佢成日叫我唔使做嘢，但佢自己就似隻牛咁勤力。佢好好、好錫我，係個好丈夫。（咁佢依家係咪好開心？）我做咩佢都好支持我。」問到結業是否與租金有關？她表示各樣都有，始終十年前經濟與現在無法相比：「起頭容易，守係幾大難度。雖然難關過咗，但係身心疲累，咁啱租約滿就完結佢。」

蔡穎恩唔想做契媽

未來日子她會先休息一段時間，日後可能陪康堤到外地讀書：「依家生活係湊女同滑水，工作交畀同事。（會再做時裝生意？）一定會做嘢，係咪時裝未知住，可能陪個女去外地讀書或者住一排。」

同場的藝人蔡穎恩直言以前是阿徐潮店的常客，更是Eason的歌迷。講到好友陳嘉寶快將生BB，她表示未知BB性別，但揚言不會做契媽：「我個人好論盡，做契媽好大責任，唔係鍾意做就得，叫我姐姐得o架喇！」

徐濠縈一手創立的潮店結業，依依不捨。	女兒康堤亦有參加派對。	陳奕迅 一早叫你唔使做，享吓福啦！
蔡穎恩一直支持阿徐，當然有點不捨。