康華趕返港飲 秋生做人情不敢怠慢

昨晚韋家雄的婚宴有不少圈中人到賀，康華、黃秋生、田蕊妮、陳煒、郭晉安、張繼聰、蘇玉華、郭少芸、陳庭欣、黃心穎等，場面熱鬧。好拍檔康華透露前晚才從內地趕搭夜車返港，她說：「我哋係好親嘅同事，成日以情侶形式出現。（但新娘不是你？）我都好開心，新娘靚、後生同Sweet過我，希望佢哋永遠幸福快樂。」她又笑指近日見到韋家雄經常甜絲絲、笑吟吟。
康華悉心打扮賀韋家雄。
康華悉心打扮賀韋家雄。

而秋生指家雄曾經歷一段艱難日子，如今娶得美人歸，實在為對方高興，並說：「佢個人變得好開心，運氣都好咗，好有光彩！以前同佢拍嘢成日縮吓縮吓咁，畀人恰。（畀你恰？）點敢，你都知佢大佬（韋家輝）係邊個。」自言做人情也唔敢怠慢。至於阿田表示送上人情給新人，笑指每當韋家雄提起阿嫂也會腼腆，甚有初戀感覺。

韋家雄換上粉紅色西裝，偕老婆與黃秋生合照。
  • 韋家雄換上粉紅色西裝，偕老婆與黃秋生合照。