馮盈盈鬼咁浪漫開口等男友求婚
藝人黃心穎與馮盈盈昨日出席萬聖節活動，心穎透露兒時在加拿大會到鄰居攞糖，對於麥明詩曾獻計馬國明帶女友玩鬼屋，她聞言笑說：「我驚我會打佢！平時盡量都唔睇鬼片，睇完會唔敢沖涼。」盈盈則表示萬聖節對她來說別具意義：「10月31日係我同男友嘅周年紀念！（想男友喺鬼屋求婚？）佢之前都冇咁浪漫，希望佢睇到呢段新聞後會有靈感，識做啦！」
談到無綫近日又再裁員，其中16廠會待完成新劇《解決師》後關閉，心穎抵死地向近日於該廠開工的盈盈說：「係咪因為你呀？」盈盈即笑說：「可能我太嘈畀人投訴，呢排都把握機會同個廠合照，係有唔捨得嘅。（員工氣氛唔開心？）冇！個個做好自己嘢。」心穎被問到可擔心藝員科會裁員？她說：「冇得驚，我會做好啲！」
