滕麗名撐好拍檔：再見亦是朋友
與江美儀拍檔主持節目《街巿遊樂團》的滕麗名，坦言不太清楚對方的感情狀況：「淨係知佢哋做番好朋友，私人嘢由佢自己處理！既然和平分手、再見亦是朋友，冇乜好講。」另一拍檔麥長青則表示完全不知情。
至於江美儀好友、專業性治療師及兩性關係輔導員何慕詩表示事前不知對方已秘婚，談及分手一事則說：「做姊妹嘅一定希望佢開心，只要佢覺得呢個決定正確，我當然唔會可惜。（佢近況點？）心情好好，工作排得好密好投入，大家唔需要擔心。」並指若有需要會介紹相熟律師給對方。
問到相戀10年的伴侶多數因何分手？她以專業角度表示有很多因素，包括感情變淡、性生活不協調、第三者出現等，故需要為感情保鮮：「一定『唔懶得』！好多人一齊耐咗會覺得咩都係奉旨，令怨言多咗。」又指溝通技巧非常重要，應以解決問題為前提，而非責怪對方。