啱啱滿月!陳智燊被迫骨肉分離

新手爸爸陳智燊早前到德國拍攝,宣傳旅遊景點,雖然工作開心又順利,但坦言非常掛住太太及兒子:「呢個Job傾咗好耐,最終都成功咗,但出發時就好唔捨得,因為阿仔啱啱滿月,唔捨得離開屋企,不過為咗工作都冇辦法。」今次拍攝,Jason透露到酒莊開眼界:「10月尾係收成期,所以係拍攝嘅好時機,但嗰邊溫差好大,下午拍時天氣好好,入夜就凍到飛起。」問到沒有太太宋熙年在身邊會否感孤單,他笑說:「當然有佢喺身邊更開心,但今次團隊全部廿幾歲,有機會跟啲後生學拍嘢都開心。」