影后毛舜筠昨日拍攝ViuTV節目《大星講》，提到最近拍攝歌舞片《你咪理，我愛你！》，她坦言最喜歡長髮大波造型：「我演過大到要跌咁嘅，但明顯係搞笑，今次就搞笑得嚟想畀人覺得係真嘅。（裝胸？）裝少少啫！」至於兩名女兒有否看過其造型？她笑說：「佢哋未見過我咁，大女一睇到相就話快啲畀妹妹睇，兩姊妹尖叫，覺得好好笑！」
