減磅做清道夫高海寧忍臭執屍

藝人高海寧（高Ling）昨日出席「360盟主之爭 少林VS峨嵋」活動，並即場學習擺武術甫士。身穿露腰裝的她身形弗爆，笑指早前拍攝無綫劇集《C9特工》不乏武打動作場面，拍畢後手腳亦靈活不少，又透露新劇演處理屍體的清道夫：「好多專業用詞要講，有日畀李佳芯叫我講番人話！（好多血腥場面？）第一場要處理死豬，因為天氣熱，都幾臭！不過開心係監製知我鍾意生物方面嘅嘢，好似劏青蛙同老鼠，所以幫我度身訂造呢個角色。」並表示特別為該劇減磅，不介意胸部縮水，認為均勻最緊要。