吳若希嬲爆收花少過「情敵」

歌手吳若希（Jinny）昨日到電台宣傳新歌《為何你要背叛我》時，再大爆老公何兆鴻料：「原來佢追求我嘅時候，喺情人節送咗紮花畀女仔，同時都有送畀我，但佢嗰紮99朵，而我就得18朵，之後問佢點解，男人最叻就係避而不答啦！」她坦言當時好嬲，但現時再提起得啖笑，笑言於往後的情人節都會收到101朵花：「佢同我講『放心啦！以後一定會多過99朵o架啦！』呢件事雖然好尷尬，但依家會覺得好搞笑。」